Vivo NEX S Aur A 6.59 inch ki full HD+ Display, Pop-Up Camera, SD 845 Aur 710 Chipset Ke Saath Announce Huye...

Vivo ne aaj finally apna naya smartphone launch kar diya hai. Is smartphone ki khaasiyat hai highest screen to body ratio ke saath di gayi display aur iska front pop-up camera. Ise two variants mein launch kiya gaya hai aur high-end variant ka naam hai NEX S aur mid-range verison ko NEX A naam diya gaya hai. Ye dono hi variants China mein 23rdJune se available honge.

Vivo NEX S mein 2.2 GHz Octa Core Qualcomm Snapdragon 845 chipset di gayi hai, saath hi Adreno 630 GPU aur 8GB RAM bhi included hai. Ismein 128GB aur 256GB storage variants hai aur saath hi ismein in-display fingerprint sensor bhi diya gaya hai. Iske 128GB version ka price 4498 yuan hai yaani ki lagbhag 47,000 INR aur 256GB internal memory wala variant 4998 yuan (around 52,500 INR) ki kimat par launch kiya gaya hai.

Vivo NEX A mein Octa Core Qualcomm Snapdragon 710 processor, Adreno 616 GPU aur 6GB RAM ke saath diya gaya hai. Saath hi ismein 128GB ki internal memory hai jo expandable nahin hai. Iske alawa ismein fingerprint scanner rear panel par hi moujood hai. Vivo NEX A ki kimat 3989 yuan yaani ki takreeban 41,000 INR hai.

Iske alawa in smartphones mein aur koi difference nahin hai. NEX A aur S, 6.59-inch ki full HD+ 19.3:9 Super AMOLED display ke saath aayenge jismein 91.24% screen-to-body ratio hai. Full view display ka real experience dene ke liye iska front camera, front panel par na dekar phone ke top edge mein diya gaya hai jo camera app khulte hi, automatically bahaar aata hai. Iske alawa ismein earpiece bhi nahin hai, balki Screen Sound casting Technology ka use karke iski screen vibrate hoti hai aur aapko clear voice ke saath better bass milta hai. Saath hi iska infrared sensor bhi top-edge mein hi chupa hua hai.

Iske alawa ye dono smartphones 12 MP dual PD primary rear camera ke saath aayenge jismein dual LED flash, f/1.8 aperture jaise features hain aur secondary 5 MP rear camera bhi moujood hai jo f/2.4 aperture ke saath aayega. NEX A aur S dono mein hi front par 8 MP ka pop-up camera diya gaya hai. Iske alawa ye dono smartphones FunTouch OS 4.0 par chalte hain jo ki Android 8.1 Oreo OS par based hai.

NEX S aur A dono hi dual SIM support karte hai aur inmein 4000mAh ki battery bhi 22.5W fast charging support ke saath di gayi hai. Connectivity features ki baat karein to ismein Dual 4G VoLTE, Wi-Fi 802.11 ac, Bluetooth 5.0 LE, GPS + GLONASS, USB Type C port aur 3.5mm audio jack shaamil hain.

If You have any problem regarding any post or any trick or you are unable to do the tricks or anything then comment your problem below, I will try to solve your problem as fast as I can.

Our Official Merchandise:-

Click Here

My YouTube Channel:-

Click Here

My Facebook Page:-

Click Here

WhatsApp Group:-

Click Here

My Official Live Chat App:-

Click Here

Thanks For Visiting Us...